Çaste poetike me poeten;-Lubi H. TOTA

TË QOFSHIN FAL KËNGËT E MIA !

———————————————————-

Qohu nënloke edhe njëherë,

Na mblidh n’sofër si dikur,

Mos më rri heshtun nën dhe

Por si shqipe në flamur ,

Brohorit nëpër mëngjese,

Zgjoj nga gjumi të ri e pleq,

Mos mu bëj moj nënë me vese,

Për ty lind për ty dhe vdes,

Të stolisa këngë malli,

Thura plot vargje mërgimi

Veç tek ti moj Vilë e dashur,

Më zën nata, më gjen zgjimi,

Sa her ulem dhe mendoj,

Rrëke lotësh më vijnë ndër sy,

E gjith botën po t’ma falin

S’ka askund moj Vilë si ti !

M’ka marr malli moj nënloke,

Të pushoj në gjirin tand,

Dhe në vdiqa afër teje,

Kurrë në botë nuk jam pishman.

Në çdo derë të Vilës time,

Do të ulem e të pushioj pak,

Si fëmijë do të qaj prej mallit,

Pastaj penën e marr prap,.

Ti më mbush moj Nënë me frymë,

Tek ti merr udhë melodia,

Je më e bukuara në atë krahinë

Të qofshin falë këngët e mia !

SHKROI SULBIE .H.TOTA

/QendraPress/