Çaste poetike me poetin;- Reshat RESHITAJ

Plaku i mërzitur…

————————————-

Çfarë ka, pse është i mërzitur plaku?

Ndoshta i mungon oda, i mungon oxhaku!!

I mungon muhabeti, ndeja me shokë të vet

Koha e tashme moderne, e ka qitë në siklet!

Po ku banë, kështu iu thotë fëmijve të vetë

Tërë ditën rrimë bashkë, kush me gojë nuk fletë?!

Secili për vete po duket mendohet

Krejt me telefona në dorë, kështu a durohet?!!

Dikur fjala e plakut, ka qenë vendimtare

Është pranu nga të gjithë, pa u diskutu fare….

Atëherë kishte peshë, fjala e muhabeti

Tash ka ndryshuar krejt, fajet i ka interneti!

Plaku i mërzitur, vetëm rri e shikon

I heshtur e pa fjalë, të kaluarën e kujton:

“Kjo kohë moderne, e ka çmendur rininë,

Zoti e bëftë mirë si do ta presin pleqërinë…!”

/QendraPress/