E shtuna poetike me poeten;-Mirishahe ELSHANI

FJALË SHPIRTI

———————–

Kohë dëshprimi n’a i bluan trutë

Fundosem thellë në pikëllim

Kënga ime kullon gjak

Koha shpresën e vë në lak

Në oazën e vetmisë pres

Një dritë një fjalë një shpresë

Nuk pranova të hapëroj si lypës

Sepse desha të frymoj me dinjitet

Në vorbullën e pezmit u zgjova

Dhimbje të mëdha ka liria

Mllefi m’i theu eshtrat e fjalës

E nervoza m’i terratis sytë

Zgjohuni një ditë

Me një vetëdije tjetër

Fjalë shpirti digjet flakë

Era më tretë pak nga pak

/QendraPress/