Çaste poetike me poeten:-Shqipe BYTYQI

Zonjës sime

(Gjakovës)

——————-

Shkrum e hi

n’qershorin e flakës së madhe, t’lanë

ti prenë aortat e vlimjetës

edhe t’pajetët bij t’i vodhën

shkrum e hi, prapa lanë

çarshinë e madhe, këtë perlë mesjetare

e çdo vatër të vjetër shqiptare

“Erë shqiptari i vjen”, thanë

dhe ikën

ikën me bisht ndër shalë

me ëndrrën e pështirë të kthimit

por ti, nxorre nënat, mbetur kërcu

barikadë trupash

barikadë dhembjesh

jo kriminelët, të kthehen sërish këtu

e ata ikën

ikën… në theqafje, sërish

Sa dua të zgjohem me ty

pa shtrëngim dhëmbësh

t’shoh zonjë, si qëmoti

jo plaçkë lufte

jo vajtim nëne

me kupë helmi n’buzë

Gjakovë, e dhembshmja

e mira ime Ti

/QendraPress/