Çaste poetike me poetin:-Skender BERISHA

DËSHMORËT

————————

Ata janë këtu midis nesh

Dheun kanë jorgan

Gurin jastëk

Edhe barin blerim

Këtu janë ata

Lule e kanë emrin

Luftë e kanë liri e kanë

Çlirim

Ata frymë marrin me lirinë

A e di ti a nuk e di

Një jetë patën sikur ti

Dhe e dhanë pa kursim në bjeshkë e vrri

Atje tej skuq famuri me gjakun e tyre

Sheshi shkëlqen me dritën e syve

Ku vizatohej liria kaherë

Tash troket derë më derë

/QendraPress/