Çaste poetike me poetin;-Fatmir Z, ÇITAKU

MOS MA PREKNI LIRINË

———————————————–

Mos ma prekni lirinë me duar të kota,

ajo ka erë gjaku e bukë të patharë,

ka zërin e nënës që priti te porta

dhe lotin që ra mbi pragun shqiptar.

Mos ma matni lirinë me fjalë tribunash,

as me duartrokitje netësh pa dritë,

ajo u lind në heshtjen e varresh,

ku toka ende flet me zë të mitë.

Kam parë flamurin mbi plagë të ngrira,

si diell që ngrihet prej një nate ferr,

kam parë Kosovën me ëndrra të vrara

dhe prapë në këmbë si lis nëpër erë.

Dikush u kthye veç emër guri,

dikush fotografi në mur të zi,

po shpirti i tyre rri mbi këtë flamur

si amanet që s’vdes për liri.

E sot më dhemb kur harresa troket,

kur fjala shitet për pak lavdi,

sepse atdheu nuk mbahet veç vetë,

por me ndërgjegje, kujtesë e njeri.

Prandaj kur flisni për tokën time,

flisni me zemër e jo për kurorë,

se liria s’është vetëm fitore —

por plagë që ecën brez pas brezi në dorë.

/QendraPress/