Çaste poetike me poetin;-Sabit RRUSTEMI

PËRTEJ ASAJ ËNDRREJE

(Varianti final )

————————–

Pritja të molis si vapa

nën perde të lëkurta

fshehen sytë

Kllapia jo gjumi

nëpër një shtrat lumi

një ëndërr endë

Përhënshëm përmend

ditën që mbeti

në kujtimin tend

Zgjas duart të të shkundë

ajo ëndërr

ende nuk ka fjetur

Kurdo që të zgjohesh

kthjelli sytë

me një puhi mali

Hape dritaren

kah përendimi

e dil kah t’vjen dielli

Përtej asaj ëndrreje

të buzëqesh hija ime

me buzët e tharra në pritje

/QendraPress/