Fryma poetike e së dielës me poetin:-Gazmend BEQAJ
AJO
——————-
Kjo dhomë e errët
ky shtrat i pështirë
kjo jetë
këto hije të frustruara
që vijnë e shkojnë
netë për netë
epshe të ndrydhura
që marrin flakë
me zjarrin e gjakut
që n’zemër
bën shtrëngatë…
Si gjethja e zverdhur
që bie me dhimbjen e stinës
ajo lakuriq e damkosur
përplaset për fatin e jetes
trup e shpirt e rënuar
i dorëzohet me neveri
epshit të shfrenuar
të një të huaji…
Ajo e re e njomë
si një muzë
me shijen e seksit të hidhur
në buzë…
/QendraPress/
