Çaste poetike me poeten :-Shukrije GASHI

Zvarranikë kanë vërshu trojet tona

—————————————

ata dremiten e kurrë nuk flejnë

tryezave blu heshtin për hire

vetanake – një fond a një glacë

pushtet

Zotrinjë e zonja tingëllojnë si një

pllakë e prishur gramafoni

për ta legjitimuar harrimin shqip

në rendin e ri të kurdisur evropian

Zvarranikë e strucë vëzhgojnë

e përgjojnë me receptorë miu

lojën a zarin për pushtet “unë ty e ti mu”

në safin e parë ulen jo të dijeshmit

domosdo

të dëgjueshmit përunjësisht janë

më të kërkuarit kudo din të heshtin

dhe të flasin pa dhimbje kur atdheut

i shkëputet ndonjë gjymtyrë

Ato zonja me xhufka e peliçe pa dije

e ndjeshmëri atdhetarie rrufisin kafet

si harrimin për rrëfimet e trishtit për vrasjet me pahir

një projekt a një glacë pushtet është

çmimi anipse mësuan gjë kurrë

/QendraPress/