Çaste poetike me poeten;-Arbana ARBA

DITË E RE

—————————

Vjet ishte 11 gusht 2025,

ndërsa sot 11 gusht 2026.

E unë, ndryshe nga një ditë më parë,

jam njëzet e katër orë rrotullim i plotë.

Po,

i njëjti rrethrrotullim në treqind e gjashtëdhjetë gradë,

por i ndryshëm në hapësirë,

në kohë.

Kushdo që më ka njohur,

nuk më njeh më,

madje edhe një orkide

që e kujdesja

u vyshk prej kujdesit të tepërt.

Dhe jo vetëm unë,

por gjithsecili nga ne

është një vizatim me ditën e re.

Dhe gjithçka merr emrin e stampimit

që shkaktohet nga fërkimi

i forcave shtytëse dhe tërheqëse,

pashmangshmërisht e varur,

jo vetëm nga ty.

Dhe Dielli,

megjithëse po i njëjti,

pasqyrimin e rrezes

në një kënd tjetër ma çon.

E si pasojë,

dhe Hëna zemërohet

në baticën e radhës,

për t’u tërhequr më shumë

në guackën e zbaticës.

Sot, ju e dini,

është një dje,

një vit më shumë,

ashtu si sekonda

zemra ime ndan shekujt,

mijëvjeçarët dhe erërat,

erërat

para dhe pas kohës sonë.

Mirëmëngjes, ditë e re!

/QendraPress/