Çaste poetike me poetin:-Idriz Berisha XHIXHI

NATËN PA HËNË

——————————-

Pashë tre burra dhe hënën

Njëri – tjetrin atë natë ndriçuan

S’kishte fjalë, as kishte vaj

Po gjurmët nuk kërkohen n’errësirë

Mesa troku i shpirtit mbi harresë

LISI mbështetët në lis

Bashkë i shpëtojnë stuhisë

Kënduan bashkë gjer n’agim

Poshtë dritareve pa zë

Ashtu si këndohet JANARËVE

Këngë pa fjalë në UNTERGRUPENBACH

Kur terri tha:

Ky qiell s’ka puls damarëve

Yjet u shuan, era i përpiu

Ora e fundit erdhi

Këtu i zuri gjumi

Vals në gurgullimë lumi

U bë stinë me ngjyra, me duar të shtrira

Në fluturim kanjushash të verdha

Mbi kulla gurësh

Mbi malin e mallin

Në pranverë mbjellën ëndrrat

Mbinë këngë të çliruara

Në atdheun e tkurrur

Në flakë të oxhakut plak

Siluetë me tre lisa

Portrete epike me plisa

Gërshetë që ylbershëm valon

Në mbretërinë e shqipeve

Zërat u shpirtëruan

Me nderin e kullave

Me besën e burrave

/QendraPress/