BE rezervon 300 milionë doza të vaksinës anti-COVID-19

      Bashkimi Evropian ka nënshkruar një marrëveshje me kompaninë farmaceutike franceze “Sanofi” për të siguruar 300 milionë doza të vaksinës, të cilat mund të ndihmojnë në luftimin e Coronavirusit, njofton Insajderi.

Në deklaratën e Komisionit Evropian njoftimi u lëshua pasi autoritetet amerikane njoftuan se do të ndanin 2.1 miliardë dollarë për kompanitë Sanofi dhe GSK, për zhvillimin e vaksinës kundër COVID-19.

Presidentja e Komisionit Evropian Ursula von der Leyen ka thënë se BE do të bëjë gjithçka që mundet për të ndihmuar në gjetjen e një vaksine efektive, transmeton AFP.

Në deklaratë thuhet se KE, i cili negocioi me kompaninë franceze, do t’i lejojë anëtarët e BE-së të blejnë vaksinën pasi të provohet të jetë e sigurt dhe efektive.

Qeveria franceze përshëndeti deklaratën e Komisionit Evropian si një “hap vendimtar” në luftën kundër pandemisë./Insajderi.com