Çaste me krijuesit prizrenas;Mirvete Kabashi Leku
ACARIN S’E DUROJ
Dua ngrohtësi
Mëngjese me diell ënderroj
Natyrë e veshur me gjelbërim.
Ëndrra ime e pasosme
Dritare e hapur shpirti im.
Acarin s’e duroj dot
Nuk dua ta shoh as detin
E trazuar
Udha ime e pambaruar.
Kodrinave të mjegulluara ngjitem
Me plagën e zemrës
Për rreze dielli
Për pëllumbat e bardhë
E për këngën e bilbilit krahëthyer.
LARGË JU
Fytyra ime
Është dite e trishtë
Sytë
Burim i pashterrur
Balli
Rrugë i stuhive
Buzët
Etja e tokës
Vitet e djegura
Me mall
Largë Ju
Jeta rënd peshoka
Rënd…
Mirvete Kabashi-Leku
DALLGEZIM MALLI
Endrra ime
Ç’ troket në mesnat
Heshtje e qullur
A pika shiu
Errësira më ngulfat
Brenda mureve
Dallgezim malli.
Sonte, dicka më mungon
Dicka me kall sonte
Me vetmi mbështillem
Me mërzinë
Natë pa yje
Valë deti unë
Kitarë telkeputura
Ç’ digjem pa zë.
SONTE
Në këtë natë
Errësira më ngulfat
Heshtje …
Gjumë nuk ka
Nuk ka truri qetësi
Gjysmë e vdekur isha
Me zemër të gjallë.
Zgjohëm sërish
Nën dritën e yjeve
Thashë:
Për poetët
Nata është ditë
Qiell e rrugë.
Me vargje
Shpirtin e lehtësova
Errësirës i dhashë dritë
Dhe shkrova poezinë
Me lotët e vesës…
