Çaste poetike me poeten:-Age Bilani LUKA

SHIKIMI I SHQIPONJËS

——————————

Ta kam marrë shikimin ty,

o Shqiponjë Dykrenore,

t’i sodis trojet e mia,

më të bukurat Trojet Shqiptare.

T’i mora krahët, moj shqiponjë,

të fluturoj në kaltërsi,

mbi Kosovë e mbi Arbëri,

t’i bekoj me dashuri.

Nga lart shoh tokat stërgjyshore,

ku amaneti ende rri:

të mos na ndajnë kufij të rinj,

por të na bashkojë në një shqiptari.

Po vajtojnë kufijtë e vjetër,

plagë që ende s’janë shëruar;

trojet tona kërkojnë bashkim,

jo të mbeten të copëtuara.

Na përçanë e na ndanë dikur,

në zemër të Ballkanit të trazuar;

kjo s’ishte e mira e kombit,

por një ricoptim i pamëshirë.

Jo me fyerje e me sharje,

por me besë e qëndresë;

le të mblidhen shqiptarët bashkë,

tradhtia të mbetet jashtë,

 ajo e pa shpresë.

Jam shqiptar, bir shqiponje,

këtë emër e mbaj me krenari;

jam biri i këtyre trojeve,

më të lashtat në histori.

Kam të parët që më bëjnë krenar,

si flamur që s’njeh perëndim;

Skënderbeu e Nënë Tereza,

nder e dritë për njerëzimin.

Sa të ketë botë e breza,

sa të lindë dielli mbi Iliri,

emri i tyre do të rrojë,

si kurorë për shqiptari.

Dhe sa të rrahë zemra shqiptare,

do të jehojë një betim:

një gjuhë, një gjak, një flamur,

një atdhe, një bashkim.

Kur shekujt të ndërrojnë prapë,

e brezat emrin ta trashëgojnë,

Shqiponja mbi troje do të valojë,

e Traditë , kulturë e gjuhë

,kurr nuk do i harrojnë.

Me besë, me nder e trimëri,

do ta ruajmë këtë tokë të bekuar,

se Shqipëria është amaneti i të parëve,

dhe përjetë do ta mbajmë të bashkuar.

/QendraPress/