Çaste poetike me poeten;-Albina CEKA

NË STOLIN E HARRESËS

—————————————–

Në stolin e harresës gjymtyrët ulërasin,

Shikimi errësohet ku ndriçon plaga,

Mbi buzët e kyçura lotët rrëshqasin,

Errësira përgjumet mbi qëpalla.

Mbi stolin e harresës mbledhur këmbë e kry ,

mbi trup gjethet e arta i bien me qetësi,

degët e zhveshura ja bëjnë me sy,

veç flladi vjeshtak e përkëdhel me dashuri.

Shikimi më zbehet mbi stolin e harresës,

mbi këmbët e plagosura plot njolla të zeza.

Muza më humbet në të trishtat rreshta,

Pena gjakoset nga pesha e pendesës.

DUET ME BILBILIN

——————————–

Një bilbil n’degë tuj cicërue,

heret nadje buzë veshit tem

Bilbil ti po don me m’zgjue,

a thu duet don me këndue?

Një strofë e këndoi bilbili,

strofen tjeter e qava unë.

Në refren shperthei ritmi,

bilbili u ulë o n’supin tem .

N’sytë e tij o kish piku loti.

S’kish pa kurrë bilbil tuj kja,

Lotë dhe zërin o si kristali,

Tingulli i tyre n’zemer m’ra.!

Notat preken thellë n’shpirt,

Shqisat e shijuan tingullin,

Luajten gishtat në violinë,

pentagramin e këtij ritmi.

E kënduam këtë himn lirie,

Ciu, ciu, ciu, e la la la la,

Ritem melodioz dashnie,

Magjia që shkrin gjithçka.

/QendraPress/