Çaste poetike me poeten:-Albina TREBICKA

GRIMCA KOHE…

—————————

Dua sot ta mbyt mërzitjen time

copa-copa tutje era ta hedhë

Le ta çojë ajo ku të dojë…

vetëm jo në çastin, që vjen

Unë mbytem në sytë e çastit,

shpirti më merr ngjyrë pranvere

më ngel mendja tek një mall i fjetur

më ngec vështrimi tek një syth peme

Kur ma bën dielli me sy

dita ime rrjedh krejt ndryshe

Nata merr dritën e hënës

së plotë

e mund gjumi mërzitjen e kotë

Grimcat e kohës s’mbushin dot hapësirat e viteve

Të gjitha frikërat e moshës i kyç tek ditët në ikje…

/QendraPress/