Çaste poetike me poeten ;-Armenida QYQJA

Kronikë e viteve të çmendurisë

——————————————

Mundohem të shkel sa më lehtë,

Supeve të tua të mos i rëndojë

Arroganca, shpërfillja ime,

Pavetëdija zhurmëmadhe e këtij shekulli…

Dhimbjen tënde ndiej o qytet i lashtë

Dhe pyes sa e duruar është dashuria?

Si duron pa shkundur nga kurmi yt

Këtë gur e beton të hedhur pa lidhje?

Rrafsh tua bësh të gjitha!

Mbrapsht t’i kthesh me mijera vite,

Kur njeriu ndërtonte rrugë e shtëpi

Në emër të dashurisë dhe jo të babëzisë!

Nuk ka më rrugë dhe as trotuare

Ka vetem trafik të çmendur

Kulla brinjë më brinjë, pa hapësirë frymore,

Pragje të lara me gjak fëmijësh.

/QendraPress/