Çaste  poetike me poeten: Blerina Çifliku Behari

E LIRË

—————————

U treta pas ëndrrës së kotë,

në pasqyrimin e larë të hënës,

mpirë pas lotit margaritar,

praruar nga vargjet e këngës.

U magjepsa pas yllit të zjarrtë,

në djegien e kurmit të tij,

fshehur pas vitit të brishtë,

si një lojë a pabesi.

U lodha larguar fatit,

në etjen e marrëzisë,

varur çastesh yjekëputur,

si një grimcë e gjithësisë.

Iu shkëputa realitetit,

po më dogji shkretëtira,

më shkrumboi, mbeta pa ëndrra,

më mbuloi errësira.

I mahnitur pas së artës,

kujtimet i lashë pas,

në dukje imazh i vyer,

mbeti mijëra hapa larg.

/www.QendraPress.com/