Çaste poetike me poeten;-Brunilda MUSAI

Udhëtarë të përjetshëm

————————————-

S’dua ta humb ndjenjën që me mban gjallë,

Rrahjet e zemres s’dua t’i ndaloj.

Shikimet në sy kanë një flirt të rrallë,

Intuitës sime dua t’i besoj.

Koha ecën në ujëvara të kristalta,

Jeta shkëlqen e bukur si Diell.

E ndjesitë bëhen më të zjarrta.

Shkëlqejnë sytë si yjet në qiell,

Bashkohen zemrat si valët në det,

Hëna hap sinjalin e lumturisë.

Në shpirtin tim ti u bërë mbret,

Duket se bëmë pakt me dashurinë.

Kuptohemi me zérin e heshtjes,

Zemra e ndjen fjalën dhe pse s’flet.

Syve ngazëllyer ndricon

buzëqeshje,

udhëtarë të përjetshëm na bëri kjo jetë /QendraPress/