Çaste poetike me poeten;-Leonora N.LOKAJ

Sikur kurrë s’kemi le

Fjala varun n’buzë

shpesh vetëvritet

nuk do me mat

vetminë me pëll’mbë

zemra e bame gur

bahet herë lot

herë kângë

Sikur kurrë s’kemi le

shpesh harrojmë

të rrojmë

ditët i l’shojmë

si gruan që i des burri

pa trashëgimtar e lë

as kângë

as lot nuk derdhim për të

Harrojmë pse

dhe nga kemi ardhë

si epitafe mbi varre ushtarësh

nder gërmadha jete mbesim

gjysm’vdekun, gjysm’gjallë

nderë

krenari

gjithçka shesim

për madhështinë “JETË”

ndjejmë veç mall

/QendraPress.com/