Çaste poetike me poeten;-Mia DURRES

Vlera flet vetë.

————————–

Ej, mos mendo se s’të kuptoj,

flet e flet pa pushim,

në bisedë jemi të dy,

lirinë e fjalës e kam dhe unë.

Ti kërkon të jesh epiqendra,

“më tha ai” e “më tha ky”,

fol njëherë ç’të thotë mendja,

lëri të tjerët mënjanë ti.

Mos jep urdhra, vetë mendo,

nga të tjerët mos u ndiko,

fol e qesh ashtu siç je,

pa përdorur miq të tjerë.

Çdo njeri tregon vlerat,

ti të tuat, unë të miat,

mos na fut dhe të tjerë,

s’janë pjesë e bisedave tona.

Një mikeshë do ta ngresh më lart,

e kuptoj qëllimin tënd,

por kur dikush ka vërtet vlerë,

s’ka nevojë për përkthyes në vend.

Lëre vetë të lërë përshtypje,

pa ndërmjetës e pa zhurmë,

se respekti fitohet ngadalë,

jo me fjalë që bëjnë bujë.

/QendraPress/