Çaste poetike me poeten:-Rajmonda MARA

Qesh dhe jeto..!

—————————

Diellit, nuk mund t’i thuash mos lind,

E ditës mos ago,

Shpirtit, s’mund t’i thuash mos qesh,

E jetës mos jeto..

Ditës që shkoi, “pse ike”

mos i thuaj,

Dhe errësirës së natës

frikën mos ja ke…

Sikur një yll i vetëm në qiell po të mbetet,

Shpirtin ta ndrit,

E diellin ti pret…

Nga asgjë mos u tremb,

As edhe nga kujtimet

që vijnë e ikin si erë ,

Çdo frymë është një

bekim që flet,

ndaj dhe jeta të fton ,

prekmë thotë ,çdo mëngjes,

Prekmë me mirënjohje

e veç buzëqesh …

E pra, kjo ditë kështu nisi,

Ku shpirti shumë po qesh…

Sepse të gjithë ,mysafir jemi në këtë jetë

Ndaj, shijo ditën

sikur

e fundit të jetë….!

/QendraPress/