Çaste poetike me poeten:-Sadete HISENI

Miku im

————————

Ti e di, miku im,

Të marrët nuk e qajnë kokën për diellin

As dielli për ta

Ai bie mbi gurë, mbi fytyra, mbi varre

Dhe vazhdon udhën e vet

Sikur asgjë të mos kishte ndodhur

Vetëm hija jonë na ndjek

Si motër e errët e trupit

Derisa një ditë

Nuk bie më pas nesh

Por futet brenda nesh

Sot u mblodhëm në heshtje

Hija jote kishte hyrë në ty

Ne mbetëm jashtë

Me sytë e lagur

Duke parë sa e shkurtë është jeta

Sa hyn nga një derë

E del nga tjetra

/QendraPress/