Çaste poetike me poeten; Sanie Tushi Rrokaj

Mos mi largo ëndrrat .

————————–

Në mëngjes herët

Pranë një lëndine

Mbushur plot aromë

Lule trëndeline .

Në mes të lëndinës

Një vajzë gjeraqinë

Shaminë përmbi vetull

Po priste barinë.

Vajzë gjeraqinë

Pritëm edhe mua

Mos mi largo ëndrrat .

Më thuaj të dua .

Zemrën flakë ma ndeze

Mos më bë shumë naze

Sytë e tu të bukur

Më mbushin maraze .

Eja bashkë te vemi

Ku buron burimi

Ku këndon thëllëza

Mbi një degë bliri .

Ku buron burimi

Fresko sytë e bukur

Të na mblidhen zogjtë

Ti në mes si flutur.

Çobani me fyell

Me melodi kënge

Vajza gjeraqinë

Me dashuri zemre.

Ajo ditë e bukur

Veç sytë e tyre folën

Ku rrithte ujë mali

E thurën kurorën .

Në ujin e malit

Me erë trëndelinë

Mes këngëve të zogjve

Lidhën dashurinë ..

/www.QendraPress.com/