–Çaste poetike me poeten Zyrafeta ManajDhe nga atdheu

————————–

Në trastën time të kozmetikës

Buzëkuq nuk ka,

Nuk ka as lapës për sy

As tush të zi çërpikësh

As parfum Parisi.

Për këtë

Ç’do të thonë zonjat “madam”…?!

Unë u them

Po ka dhe nga atdheu

Që e bart pas

Kahdo që endi trupin tim.

Me mungon dhe pallto e dimrit

Trikoja e trashë me lesh delesh

Çorapet

Ato kur nëna m’i dha ditën e arrestimit.

Ah…! edhe ato më mungojnë

Por s’ka gjë

Nuk ka jo,

Se trasta e mbushur me dhe nga atdheu

Palcë dhe shpirt m’i ngrohë.

Në trastën time të kozmetikës

Nuk ka pudër nga Stambolli,

Nuk ka as medaljon ari

As brushë e pincet vetullash,

Por aty ka një grusht dhe nga atdheu

Që njomë shpirtin

Dhe ngrohë ashtin në ditë acari…

Ai grusht dhe nga atdheu