Çaste poetike me poeten;Albina TREBICKA
DIELLI MË BUZËQESHTE…
———————————————–
Unë mbytem në sytë e një gjetheje
Dhe ditët më marrin ngjyrë vjeshte
Më ngec vështrimi tek thyerja e një dege
Më ndal zemra tek shkelja e një bese
Edhe tek një zog,që fluturon në ikje
Edhe tek një dallgë malli në rritje
Edhe tek britma e një çasti në pritje
Edhe tek një shpresë në përpëlitje…
Por… ti ike,më parë se të shkonte vjeshta
Hënën more me vete,mua DIELLI më buzëqeshte
A.TREBICKA 09.10.2022
