Çaste poetike me poeten:Albina TREBICKA

…dhe vjen një ditë

———————————–

Ngrohem nga zjarri i kujtimeve boshe

dhe psherëtij prej kujtimeve të pavlera

shpesh ndalem tek ngjarje të dyshimta

dhe tek copëza jete,që i ka marrë era

Kohës unë i marr të gjitha ç’të mundem

gëzime,buzëqeshje,trishtim edhe lot

kam dobësi për ëndrrat e pamundura

si dhe për shkaqet e humbura kot

…se ndodh që një ditë edhe mund të pendohesh

nga e para dhimbje që s’e mposhte dot ti

dhe vjen një ditë të jetosh heshtjen e kohës

nën hijen e kujtimeve që pikojnë nostalgji

/www.QendraPress.com/