Çaste poetike me poeten;Anila KODRA

ÇFARË JE VALLË

———————-

A je ëndërr që më shfaqesh

Në të miat netë vetmie ?

A mos ndoshta skulpturë parqesh,

E më kthehesh në vegime ?

A je kukull fytyrë qeshur,

Që si fëmijë unë të ledhatoj ?

Apo, ti vetë je si fëmija ,

E dua me puthje të të mbuloj?

Vallë çtë bëri kaq të bukur ?

Mos Dielli të ra mbi fytyrë?

Apo ishte Hënë xhelozja,

Që fytyrës ti dha ngjyrë ?

Ndoshta flladi që të preku

Shtatin, por dhe buzë e faqe,

Qafë gjatë porsi lejleku,

Të vjen era si manushaqe.

Pa më thuaj veç ta di

Nëse puth buzën në ëndërr,

A më kthehesh ti në njeri ?

Dhe më nxjerr nga kjo zhgjëndërr?

Merre qetë dhe më trego ,

Si je bërë kaq e bukur ?

Mos u tremb , mos u largo,

Mos shko tutje si një flutur.

Nuk e di a je një zanë ,

Që nuk mundem ta prek dot ?

Kur të shoh humbas davanë ,

Ti shkon e fshihesh nëpër botë!

E më sillesh prap në ëndrra,

Fluturon mbi shtratin tim,

Të të prek nuk më lë zhgjëndrra,

Shkon si fajkua në fluturim.

Hedh sytë tej nga dritarja,

Fllad I ëndrrës perdet tund,

Ehh, çmë iku prap lozonjarja,

Bel e vithe tund e shkund!

Do të pres në tjetrën ëndërr,

Të më thuash, çfarë je vallë ?

Kukull, zanë, fajkua, veç jo zhgjëndërr

Sdua të më bësh për mall.

Mallin do ta tres si vesa,

Kur ëndrrën me dorë të prek,

Se e fundit vdes shpresa,

E prap në ëndrra dehur të ndjek.

Anila Kodra Kotroçi

/www.QendraPress.com/