Çaste poetike me poeten;Anita HOXHA

Të kujtohet ?

———————-

Ai, liqeni i vogël, nga vjeshta rrethuar

Se gjethet e para e përqafonin atë,

Sa herë varka prej letre kishim ndërtuar,

E sa herë i rrëfeheshim, me të ulët zë !

Ai, liqeni i vogël, që rrjedh në mendjen time

Aty, ku lotuam për dashurinë tonë të parë,

Sa herë ndamë me të te bukurat takime ,

E sa herë mbi të notonte e fundit gjethe e tharë…

Ai, liqeni i vogël, që e shihja natën deri vonë,

E shkruaja xhamave fjalë pa fund dashurie…

Ai, që pagëzoi të bukurën puthjen tonë,

E dimrit e vishte bora me fustan nusërie..!

Vitet kanë shkuar… eh, sa shumë kanë shkuar !

Liqenit i flas me dashuri, si kohë më parë

Kujtoj sytë e tu, malli im nis e noton shtruar…

Rrugës përqafohet me atë gjethën e fundit,tharë..!

Anita Hoxha

/www.QendraPress.com/