Çaste poetike me poeten:Antigona S. DESKAJ
MË FALË MUZA IME
———————–
Sonte si asnjëherë
Ndjeva një zbrazti
Si të të thërrisja, eja
Muza ime me erdhe ti
Në çaste magjepsëse
Në nostalgji e në gëzime
Ti gjithmonë pran me erdhe
Ti moj muza ime
Ndaj hakut ty
Nuk di a mund të dal
Më ngushëllon, më inspiron
Edhe frymë kur nuk
mund lirshëm të marr
Të pa thënat e zemrës
Për hir të ndrgjegj’jes
Ti shpreha vetëm ty
Të pa thënat e jetës
Ndaj moj muza ime
Të lutëm me falë mua
As penës as fletës se bardhë
Kam ca gjera qe s’ua kam treguar
Ndaj moj pena ime
Mos me mbaj mëri
Mangët e lash edhe letrën
Pa i shkruar vargjet si gjithnjë
Ju më jeni shokët më të mirë
Sa here ndjemë e venitur
Ju rrëfej më shumë dëshirë
Askush si ju
Hallin s’ma di mua
Qaj edhe qesh
Sekretet e jetës sime
Ato qe as në ditar
nuk i kam shënuar
E ç’faj ka zemra
Kur ndjen shpirti mall
Gjakos syri në vend loti
Trupi digjet zjarr
Ku të gjej guxim
Më thoni mua
Muza ime e dashur
Shko ti për mua
Ik porsi era
Nisu fluturim
Ik atje ku do të doja
Të jetë shpirti im
Hapi ata krah
Mos prit asnjë minutë
Shijo jetën për mua
Aty ku unë nuk mund !!!
/www.QendraPress.com/
