Çaste poetike me poeten:Asja MULGECI
SE ZEMREN PA ZEMER S’TA LA
—————————————————–
E tash krejt lumtunia gjallon fryms tande
Buzqeshjet i kam pagzue,me ngjyren e syve t’u
Hapimet numroj n’ rrahje zemre
Fërkemave kah ti m’vije, si veri
Vera shuen zagushinë, në të tallazitunit
mbi det
Zogjt, po bahen gati për shtegtim
Se dij,sikur ngadalë arratiset kso visesh
Dhe nji pjesë e shpirtit tem
Bregut, tek plaset vala shkumbardhë
Ç”më mbeten shikimet varë
Oh,me pikturohej portreti yt
Nê mijera stërkala si ujvarë
A s’më thue i dashtun
Çka do t’ngarkosh valixhes ksaj here
Dhimbje a boshllekun n’gji
Mallin me “aromë vdekje”
A mos mallkimin si kurbetli
Ti merr ç’të duesh me vedi
Dashninë tëme si amanet
Besen me mbajt ngat veti
Atje, dhenash t’huej tretë
Oh,mos thuej shpirti m’asht këput
E zemra dysh m’asht ça
Se shpirtin ngjit temit kam me rujt
E zemren, pa zemer s’ta la
ASJA MULGECI
