Çaste poetike me poeten;Bruna Gjoni PERVATHI
Unë dallëndyshja e parë e pranverës tënde
————————————————————-
Po kthehem bashkë me njëmijë e një lulet e mbledhura kohës pa ty
Krahët mi ka këputur malli…
Ma bëj gati kraharorin tënd sa një mal dimri…
Që ti derdh aty të gjithë lumenjtë që piva kur shkova…
Unë po kthehem ..
Ma bëj gati detin e marrëzive tona
E si çmendurak hape brinjën tënde të lëshoj zemrën…
Dy lule …ti kam qëndisur për të dy sytë…
Që kur ti hapësh ..e pranvertë të duket bota
Më prit …
Më prit me fije bari të njom në buzë
Ta ndërtojmë një folezë mes zogjve
/www.QendraPress.com/
