Çaste poetike me poeten:Drita POPAJ

NGJYRA E VAJIT

—————————

Përpiqem me vaj

Ta zbus këtë agoni

Vetmisë që të mos i lë hapësirë

I ofroj ngrohtësi

Si nëna fëmijës

Vajit për t’i dhënë ngjyrë

Vrapoj

Vrapoj e lodhur

Tërë këto vite symbyllur

E shoqëruar në mendjen time

Me ty

Kur zë në thua

Shpirti im përplaset me kohën

Që se njeh

Askund nuk gjen strehë

Vitet ikin si retë e një stine

Të egër

E unë vazhdoj të vrapoj

Në drejtim të kundërt

Me ty në mendjen time

/www.qendrapress.com/