Çaste poetike me poeten;Fatbardha Xhani MYSLIMAJ

PA ZHURMË

——————————–

Ishte pranverë,

Thashë me vete e ngazëllyer,

Shih sa bukur bien petalet…

U bë verë

Sërish thashë me vete gjithë gëzim:

Ua, sa bukur bien frutat!

Pastaj erdhi vjeshta,

E unë e skuqur si gjethe, fola:

Ah, sa bukur bien gjethet!

Në fund erdhi dimri,

Duke u dridhur belbëzova:

Oh, sa bukur bie bora…

Njësoj lehtazi, butë, në heshtje

Dua të bie një ditë te bukur,

Edhe unë!

/www.QendraPress.com/