Çaste poetike me poeten:Fitore HAKLAJ

NDËRTO

——————–

Ndërto ngadalë

Sikur murin e shtëpisë

Gurin mbi gur veje

Besimin e fjalën ngrite lart

Ndërto

Ditët me buzëqeshje

Thure harkun e dashurisë

Ruaje thesarin ma të bukur

Si sytë e ballit tënd

Ndërto

Të bukurën ëndërr

Duke shijuar çdo puthje të ëmbël

Përqafimin edhe nga larg

Ndërtoje sikur urën ma të gjatë

Ndërto

Ndjenjën e paqes

Edhe aty ku zemrën t’a thyen

Vetëm me faljen tënde

Diellin do e përqafosh çdo ditë

Ndërto

Trupin e ndjeshëm

Që vetëm ai di të flas

Gëzimin e hidhërimin

Mos i ndaj kurrë në dysh

Ndërto

Edhe në stuhitë ma të rënda

Vure dorën në zemër tënde

Falja vetës edhe gabimin ma të vogël

I thua

Gjërat e forcuara e kanë fundin e shpejtë

Ndërto

Dashuri pa fund

Ndërto.

/www.QendraPress.com/