Çaste poetike me poeten;Flora PECI
TROKITJE SHEKUJSH
————————————-
Kambana mjerimi edhe sot jehojnë
Vajtojnë kohën sërish migjeniane
E dëgjon poet?
Lëngata jote edhe sot gjëmon.
Gjëmim dhembjesh shekullore
Në damarët e popullit tonë
“ A do qymyr zotni”
Në derë sërish trokasin
Zotëria i jargavitur çjerret
Pret prenë e radhës
Pa vrarë ndërgjegje
Epshet shtazarake
Në viktimën e qymyrit i shkrin
Edhe “ Luli i vocërr” në shkollë shkon
Sa shumë që janë barkzbrazur
E sylot
Ne “bijtë e shekullit të ri”
Migjeniançe durojmë…
