Çaste poetike me poeten;Flora TEMAJ

Mall

————————

Vashëzë e bukur ç’ke që s’flet me gojë

Kaq fort më je idhnue e krejt më ke harrue

Mori e dashura ime zemra ndjen mall

Të lutem kthehu në të bukurin behar

Rrezja e diellit s’më vjen si përhera

Nuk më ngroh më si herave të tjera

Frymën ma ke ndal s’të vjen keq aspak

Mue të gjorin po më vret pak e ngapak

Eja të lutem bashkë me flladin e pranverës

Do më digjet xhani nëse pa ty kaloj verën

S’i dua as stinët kur prehem në vetmi

I dua dhe ditët e acarta kur pranë meje rri

Të them se mëria jote më tret pak nga pak

Pa ty s’më çelin lulet e nuk ndjehem gjallë

Po më ike ti, do më vret ky mall

Do të çmendem moj e të bredhë vërdall

/www.QendraPress.com/