Çaste poetike me poeten;Hanife R. SALIHU

Dehja në qiellin e ngjyrave

————————————-

Dua, të dehem sot,

në heshtjen e furtunës së errët,

ta shijoj qiellin pa fjalë.

Dua, mos ta dëgjoj, zhuzhurimën e ditës.

Dua të dehem, e mos të të shoh,

Vetëm qiellin sot dua.

Dua, që mendja t‘më ndalet nga dehja, e aty gjej mrekullinë e ngjyrave.

Dua, që të dehem e të bëhem tapë,

të mos njoh as ty e as atë.

Dua të dehem, e mos të lexoj atë që ke mbuluar me pëlhurën e bardhë.

Dua, që kur të zgjohem nga dehja,

Të shikoj mrekullinë e ngjyrave të jetës.

H. Salihu

/www.QendraPress.com/