Çaste poetike me poeten:Igball Brava KRIVANJEVA

Ky ajër i pastër ngjan si

vetë liria …

Kur lulet shpërthejnë

përnjëherësh

ashtu sikur dinë

të shpërthejnë

dhe trëndafilat,

Aroma e tyre përhapet

gjithandej,

Unë jetoj një jetë

plot ndjenjë…

Më freskon

agu i mëngjesit,

Shpirti rrit hapësirat

në pranverë..

Bashkë

me shpërthimin e luleve,

Ky ekuinoks pranveror

sjell këngë bilbilash,

buisje trëndelinash..

Kurorat e pemëve,

në këtë ngjyrim gjelbëror,

ngjajnë si vajza të veshura

e të krehura bukur;

Në sytë e tyre – bisqe e fletë

vallëzon kënaqësi e tyre

e lumtur..

Sa magjike kjo situatë:

Burime krojesh,

zukatëri bletësh,

teksa nisen

për të thithur nektarin!…

Fluturim i ëmbël pëllumbash..

Ç’pamje merr vendi

nga gjelbërimi,

sa magjepse janë peizazhet!..

Gjelbërojnë vendet,

Duke ia transmetuar

gjelbërimin e tyre

Zemrave dhe shpirtrave ..

Frymarr në këtë stinë..

Me ajër të pastër

mbushë bronket e mia..

Ky ajër i pastër

ngjan si vetë liria…

/www.QendraPress.com/