Çaste poetike me poeten;Kimete Durmishi

KU MBETËN VITET

———————————-

Vitet lundronin

së bashku me dallgët e detit

radhiteshin si një kor gazmor

mbi shkumën e kriposur

të valëve në numërim

Ku lëkundeshin lehtë

duke i bartur rrezet e arta të diellit mbi to

Që rrinin të qeta të patrazuara para syve të mi

Dallgë të pashpirta i tërbuan valët e lehta

I përpiu deti bashkë me vitet e mia

Më kot u mendova t`i ndalë e t’i numëroja përsëri

Valët e lehta u shndërruan në një vullkan përvëlues

Që derdhej mbi vitet e përplasura në detin kaltërosh

Forca e tij prej përbindëshi përbiu vitet e panumëruara

Me një daulle të zhurmëshme shkuan në pafundësi.

Leave a Reply

Your email address will not be published.