Çaste poetike me poeten:Mirishahe ELSHANI
MES DALLGËSH
————————————–
Mes dallgësh e kujtimesh eci
Duke e vjell terrin e zi
Veç copa akulli kam në shpirt
Pak diell nē sytë e mi
Të ngritëm mbi yje përsëri
Ta pikturoj qiellin në tërësi
Përmes valëve në thellësi
Përmes dritës gurë në vetmi
& & &
JAM KURORA E PIKËLLIMIT
————————————
Jam duke rrëshqitur drejt fundit
Në fund të gotës mbeta e zbrazët
Aty ku treten zanat
Në pasqyrë pa fytyrë
Jam gjysma tjetër
E ndarë nga trishtimi
Herë e gërryer nga mendimi
Herë e penduar nga mashtrimi
Edhe sa kohë për këtë tokë
Me ëndrra në kokë
Ç’ trishtim kam sot
Sytë më mbyten në lot
Këmbëkryq jam ulur
Mes kufijve të shpirtit
Në zemër të gjithë i kam
Kosovë e Shqipëri një jam
Në vetmin e tymit
Shpresa gjallë më mbanë
Jam ëndërr e parealizuar e bashkimit
Jam kurorë në mbretërinë e pikëllimit
/www.QendraPresss.com/
