Çaste poetike me poeten:Nexha REÇICA
TI JE ME MUA
——————————
Ti do kthehesh sërish në Itakë
rrugën e gjatë e mungesën gjithë pritje
lërja kujtim një ëndrre
tek unë ke dashurinë
ashtu si e ke lënë.
Ti je me mua
edhe kur largësia
na mban
as në tokë
as në qiell
edhe kur shiu sjell
pikëllim e trishtim.
Unë jam me ty
në të gjitha planetët
në të gjitha kohët
edhe atje kur jeta e vdekja
ndeshën pamëshirshëm.
N.Reçica
29.02.2024
Prishtinë
/www.QendraPress.com/
