Çaste poetike me poeten;Razielda HITAJ

Aritmi

—————

Sonte kur syri rrinte mbyllur

Si ylli pas resë u shfaqe

Nën një tjetër petk,

Veshur me xhaketë premtimi e

papijon puthjesh të zjarrta

Heshturazi më ndjekin dita, data ora…

Nga aty ndrisin të gjitha si në

gdhendje mermeri

Stoike e përdëlluar sikurse ti

Nga sot nata më duket ditë e bardhë

Përcjell lotët mbi flatra stine

Ah, lot’gëzimi që lahet në rreze!?

Stërkala furie të pakuptueshme,

gongël e pakapërcyeshme.

Pres të shfaqesh ndryshe këtë herë

Mezi shoh e dalloj,vakët dëgjoj

Aritmi e zbehje; e pangopur frymë,

njësoj si herën e parë…

Por këtë herë drit’hijet duken ndryshe

Mas sekondat me rrahje zemre

Padurimisht me krahë zogu nis fluturimet,

ato qielloret, të përjetshmet

Po shkrij akuj kohe; natën do bej ditë…

/www.QendraPress.com/