Çaste poetike me poeten;Sherife  Berisha – THAÇI

IKONË E SHQIPTARISË – TI JETON NË ZEMRAT TONA

(Kushtuar – Gjergj Kastriotit – Skenderbeut – në Ditën e lindjes së Tij).

——————————————-

Engjëjt të sollën në Tokën e Shqipnisë,

Për ti dal Zot gjakut e gjuhës kombëtare,

Për ti treguar majat e trimërisë,

TI je Frymëzim me ndjenja Atdhetare.

– Prijës i Kuvendit të Arbrit – ,

Në Kuvendin e Lezhës zgjidhet me nder,

Me asnjë padrejtësi nuk lidhet,

Epopeja Jote, për vendin krenari përherë.

Skënderbe – Fitimtar nëpër beteja,

Në të dy anët e shpatës bënë kërdi,

I fuqishëm, e i shpejtë si rrufeja,

Bota e njohu trimërinë e Tij.

Me 28 Nëntor, të Vitit 1443,

Në Krujën Legjendare,

Për herë të parë valëvitet i lirë Flamuri Kombëtar,

Me Shqiponjën Dykrenare.

Me 17 Janar 1468, në Lezhë, ra teli i pikëllimit,

U pikëllua e tërë Shqiptaria,

Dhembja ishte në pikën e vlimit,

Pa Trimin Legjendar mbeti Shqipnia.

Edhe pas kaq shumë e shumë vitesh nga vdekja Jote,

Kurrë nuk do të harrohesh Ti,

Do të kujtohesh gjithmonë nëpër mote,

Vendit i dhurove Krenari ,

Ikonë – Madhështor, i shenjtë në histori.

/www.QendraPress.com/