Çaste poetike me poeten;Xhemile ALIU

PËRBALLJE

—————————

Mbi errësirën kërkoj dritë

Mbi qiellin e vrerosur

Dritë diell mbi këtë botë

Jo gjakosur e përdhosur

Mbi vranësirë nji pikë shiu

Që të njomë buzët e thara

Mbi stresin që koha mbjellë

Të njomin shpirtrat e përdala

Të shohim përtej vetvetes

Të dallojmë dritë dhe errësirë

Mbi këtë jetë ashtu vrerosur

Të mundohemi të sjellim dritë

Të ndërtojmë nji botë ndryshe

Që sot koha na ka afruar

Nga nji skaj në tjetrin skaj

Njihemi lidhemi miq të nderuar

Mbi këtë nder të ndërtojmë të ardhmen

Jo ,armiqësi ,bomba dhe barot

T’u themi filizave t njomë

Ja kjo botë është e juaja sot

/www.QendraPress.com/