Çaste poetike me poetin;-Ali H.TAHIRI
Aty…
————————-
ku ideali juaj
u bë fli në pritë…
Bora… dhe toka…
me gjak është ujitë.
Altari i lirisë,
ju zgjodhi juve, o trima…
Qielli i kaltër ishte gjakosur,
edhe shqiponjës ~
iu dëgjua klithma!
Ajo ditë e acartë ~
e katërmbëdhjetë dhjetorit ~
jua dha… lavdinë e zjarrtë!
Historisë…
iu shtua një datë e veçantë,
në kalendar ~
të përjetësisë.
Për ju,
o luftëtarë lirie në atë natë,
pavdekësitë tuaja për kombin
janë thesar…
me vlerë mbi “Ar”.
Brigadë kristali,
e njëqind e trembëdhjetët,
e vitit ’98!
Këta heronj e heroina,
do t’i kujtojmë…
sa të ketë tokë e jetë!
Kosovë!
T’u përgjaken malet,
fushat e lëndinat…
Komandant,
Mujë Krasniqi ~ Kapuqi,
me mbi katërdhjetë trima!
Në atë ditë…
dhembja na dogji si vetëtima.
Kosovë…
nga ai gjak i njomë
dole nga errësira…
Tanë armiqve…
iu bë zemra akull!
U shporrën nga këtu,
kokulur…
e si të çartur.
Kosovë,
tani kurrë nuk je e mjerë!
Bijat dhe bijtë e tu,
të kanë dhënë një emblemë…
Ushtrinë Çlirimtare të Kosovës…
tani ~ në muze,
si vlerë… dhe flamur.
Tani luaje vallen e Rugovës…
se përherë…
je e Lirë,
për çdo ditë edhe më e mirë.
/QendraPress/
