Çaste poetike me poetin;-Gazmend BEQAJ
Kujtesa e lirisë
—————————–
Me fjalët që pikojnë dhimbje e mall
në unazat e kohës
është shkruar kujtimi i lirisë
me flatrat e prera të shqipes
me zjarrin e atdhedashurisë…
Në kujtesën e lirisë janë shkruar
kohët kur qiellin e mbullonin
retë e zhgënjimit
e hijet e zeza vizatoheshin
kudo nëpër hapësirë
kur të përulur përtypëm shumë fjalë
e shtrydhëm shumë dhimbje
deri në ditën kur heshtja humbi kuptimin
u gërvisht durimi
dhe fjalët u bënë egërsirë
klithmë e gjakut nga plagë e vjetër
që solli lirinë me pranverën e lavdisë…
/QendraPress/
