Çaste poetike me poetin;Xhevdet BAJRA /deklamuar nga Bekim KELMENDI
Tinguj
————————
bien pingul brenda meje,
si rrufeja bën dritë,
ndjej një verbim në çast
pas të cilit shoh më qartë!
sa herë mundohem
të mbaj zhurmën fshehur,
krejt çfarë ndodh në mua
dëgjohet…jashtë!
era
më ngjan shpesh vetja
një varkë me vela,
jam i shënuar të jetoj mes detit,
ne këtë botë me pak shpresa.
nuk më pyesin,
kur vendosin për mua, si qenie
shpesh ndihem i mashtruar
nga gjërat shkëlqimtare.
nëse unë jam, si ajo varka
ti je shkaku,
pse fryhen velat
dhe e bëj gjumin me ëndrra,
për ta prekur tokën , ku ma shkel syrin…e ardhmja!
sonet në fletë
çfarë kisha në zemër gjëmoi në mendje
ta mbaja në fre nuk ish aspak e lehtë
me dorën që dridhej, me at’ majë pene
çfarë ndjeva e hodha nëpër fletë.
u bë një libër në sytë e kësaj bote
dhe vetë u ndjeva, si një fletë e shkruar
në të gjithë germat ish fytyra jote,
si një pikturë ende e pambaruar.
përsosje ishte apo dëshira ndriti
akoma nuk e di se si ndodh kështu?!
isha një hiç…më bëri të dukshëm shpirti.
e vështirë është, por vdes të jem ashtu!
ditët në rresht pa dashje e padisin
qiellin që merr flakë nga sytë e tu.
/www.QendraPress.com/
