Çaste poetike me poetin;Demush MEHMETI

R i p o s t i m 3 POEZI

KËTO VALË SHPIRTI

————————-

S’di se si fillon dhe mbaron ky varg me afsh zjarri

Shkrepë siç shkrep vetima

Valalvit siç valëvit vala

Rrahë siç rrahë stuhia

Ndodhë të stërkeqët e bukura

 Lëndohet fryma

Vetëm për një shkronjë të lënë anash

Për një shenjë vënë gabim

S’di kush di as kush s’di

Ka kush herr

Ka dhe kush laton

Këto valë prej shpirti s’ka kush të m’i ndalon

& & &

NË BËRTHAMË STUHISH

——————————

Si një i përhumbur eci shtegut me thurje vargjesh

 Kalldrëmit shtruar me fjalë

Si një kuvli me xhevahir shumëngjyrësh

Fytyrë zbehur dritë neoni

Ëndërr valë

Heshtëm si një fanar i fikur mes errësire

Në moçal dhimbjesh larë

Dëshirë e pafikur gjallëroj

Zemëretur për një pikë dashnie

Hidhërimeve vrarë

 Përkundem dendësisë tis mjegullire

Në bërthamë stuhish trumcak

Joshem dhe me të paparat pamje ardhmërie

 Frikësuar keq, mëkat

&  &  &

NË PIKË NATE

———————

Në pikë nate kur bjen perdja

dendësohet errësira

Dalin të ndritshmit yje

Ndezur si flakë kandili në errësirë

Përmes vrimave të dritares m’i ndriçojnë sytë

 Rri i pafjetur, numëroj dëshirat

Lutem për krejt çka dua

Dritë hyjnore të të ndriçon dhe ty

Ku më gjendesh

 O melhem jete që m’i shëron dhimbjet

Vallë përkundesh valëve të gjumit në qetësi

Shpalos ëndrrat tua kuptim jete

Strukur gjirit plot dashni

Apo krejt zgjuar je, në heshtje ëndërron

S’flen, vetëm i mbyll sytë

Ecë kohë e pandalshme na’i zbehë kujtimet

Palosje zemre me qetësi

Mendja i ruan me shumë xhelozi

Nata na’i rikthen dhe krejt të pa prishura

Sado ti heshtë i thelli gjumë

Prapë s’mund t’i shlyen

Përzgjodhi ; Zana Pira, poete

/www.qendrapress.com/