Çaste poetike me poetin;Enver SAHITI

Aty Ku Rrinë Virtytet

———————————–

Mos e kërko pasurinë në arka floriri,

as lumturinë në pallate të larta;

kërkoje aty ku zemra mbetet e pastër,

ku fjala dhe vepra ecin bashkë.

Aty ku nderi nuk shitet për interes,

e besa ruhet si drita e syrit,

aty burrëria nuk matet me forcë,

por me drejtësi e fisnikëri.

Aty ku respekti mbjell mirëkuptim,

e kultura zbukuron çdo kuvend, njerëzit bëhen urë për njëri-tjetrin,

jo mure që ndajnë zemrat mes vete.

Aty ku sinqeriteti flet pa maskë,

e bujaria hap derën e shpirtit,

çdo vuajtje shndërrohet në mësim,

dhe çdo fitore merr kuptim.

Prandaj ruaji këto virtyte të arta,

si amanet për ditët që vijnë;

sepse aty ku jeton njerëzillëku,

jeton edhe shpresa për një botë më të mirë.

/QendraPress/